Prijava

Vaša prijava

Sesvetski ogenj 2019. – kak je bilo


Ak smo Sesvetski ogenj ponovno počeli kuriti 1994. – a jesmo – onda je to letos bila lepa obljetnica. To je 25 let jednog lepog običaja. I, kak je red za takve obljetnice, možda je to i bil najlepši ogenj do sad. Mislim da se skupilo najviše ljudi, najviše mladih i najviše drobne dečice. I oko ognja se stvoril lepi krug, grelo se i spominalo, baš kak smo i šteli. Baš kak i negda.

I kuhanoga vina je bilo, kak se i šika, ide uz ovo doba, ide i uz kostajne. Fala Marijanu pl. Kovačiću teri je vino doniral, skuval, donesel i lepo poslužil. Kostajni? Možda najbolji do sad. Iz Žumberka. Vele da su oni z Kostajnice, Majura i drugde z Banovine imeli preveč mesa. Zgleda da v Žumberek mušica još ne došla. Dobro je znati za drugi put.

Dece je bilo čist dosta. Kad su kostajni bili pečeni, to je bila takva navala, skoro su me i porušali. Grabilo se z golemi rukami, lepo je bilo videti to dječje iskreno veselje. Puno mladih i puno dečice jamči da ovaj lepi običaj ne bu zamrl, da bu bilo onih teri ga budu nastavili. Fala svem teri su donesli drvi, zakurili i brinuli se da prejde sve u redu. Fala i onem kej su počistili.

A sad nekuliko pitanja: kojega leta v osamdesetim prošloga stolječa se kuril ogenj po zadnji put? Gdo zna otkad je taj običaj i počel? Ja bi rekel bar pred sto let ili više, stari govore da su negda bila čak i tri ognja v Mraclinu. I kak dugo se onda v noč zvonilo? Do jedne po pol noči, celu noč? Osamdesetih, s prestankom kurenja ognja se prestalo i moliti v cirkve? Jesem li tu u pravu? Ak smo s kurenjem ognja vrnuli i molitvu v cirkvu, još i bolje. Samo, tu trebamo biti još i bolši. Pozivam da i to kletu popravimo.

Do kletu! Vidimo se ponovno pri Sesvetskom ognju 2020.

Foto-galerija: Vlado Vinetić