Pondelek je! Si se na taj pondelek mrnje, meni je čistam dober. Malo je denes sivi, ali nema veze, am nemoram nikam iti. 

Snočke sem pak rano kapitulerala, pak sem se i rano zdigla. Doduše ne kak zajni put, denes u pol 7. Vane mrkla kmica. Obavila sem si se kaj se v jutro zbavla, makar sem i po noći hodila sako malo v kupaonu, da sad nejdem u detalje. Skuvala sem si kavicu, zvagala se kak i saki pondelek, šokerala se, zišla z vage dole, i pravac kujna. Jela denes nabuš, da ti je Bogek brat!!! Skuvala sem si kavu, zafrknula par komadof, i da vidimo kaj se zbivalo v svetu, dok sem ja kuliko-tuliko spala.

Na naslovnice mi je mam skočil of mali z Metkovića, nemrem se sat setiti niti kak se zove (malo me to brine, jer neki se dan nis mogla setiti kaj sem jutro jela; bila sam se zabrinula da nis ništa, i nisem si mogla veruvati da mi se je to dogodilo, ali mi se je čez vuru vremena osvežilo pamčenje i setila sem se sva sretna, da nis gablec ipak preskočila) i poručuje našemu gosponu premijeru, da samo nek dojde, da su oni spremni i čekaju. Mam mi je čez glavu prešla slika kad su Mostovci bili jezičec na vage, posle onih, znate, izbora, pa je mali z Metkovića bil poželjna udavača i za jene i za druge. Brak je sklopljen z HDZ-om, i eto ti sad posljedica tere se mnogim bračnim parovima dogodiju pri rastave. To se vređa, to jedno drugomu kajle podmeče, to se svadi, to se nemre dogovoriti, to se mlati. Mislim da su sad ovi vute faze.

Čestitala sem rođendane svojim prijatljem na FB, jer ak to ne napravim mam, ode dan, a ja nebi štela pozabiti to napraviti. S čim bum se još zabavlala denes, neznam, ali dan bum sigurna sem, iskoristila na najbolši mogući način. Vi mi si lepo uživajte i nedajte se nikomu dati…, znate već kaj!

Kušlece šelem sem, a i grlim, jerbo je denes, veliju, Međunarodni dan zagrljaja! Pak onda stišćete ak imate koga i ak je zaslužil! 

izvor

Cijeli tekst pročitajte na adresi: Pondelek.