Trideset let sesvetskoga ognja

2. studenoga 2024. Subota 19:40

Ako računamo od 1994., kad smo obnovili taj jedinstveni običaj, pitamo se – kad je to zapraf počelo? Kad se počel kuriti sesvetski ogen? Jel je to bilo 1895., kad je zezidana denešnja kapela sv. Vida? Jesmo li imeli prije toga uopče kapelicu, kakova je bila i je li imela zvono tero bi zvonilo celu noč? Prosil bi ak negdo to malo bolše zna, da probamo razjasniti. Isto tak, gdo zna kad se prestal kuriti sesvetski ogen? 1980… i tere? Opet, gdo zna nek se javi.

Jedno znamo sigurno: naš ogen je sve bolši, sve više nas se skupi pri sv. Vidu. I kostajnof se sve više speče i porušče. Prek 30 kil ovaj put. Da se počne raneše, ob šeste vure, i to je dobra odluka. Ponovno, nakon obnove kapelice, molilo se za duše naših pokojnih. I to nam je drago. I zvona su dugo zvonila. Čak je i naša televizija (HRT) po drugi put došla da vidi kaj to Mraclinci spelavaju.

Kak je sve to bilo, kuliko nas je bilo, pogledajte slike. Tu se vidi sve. Zahvaljujemo se onem kej su zapalili ogen. Zahvaljujemo se vsem teri su pribavili, narezali i spekli kostajne. Zahvaljujemo se vsem teri su donesli pijače, vina, kuhanoga i sirovoga, sokof i likerof. Pa onda, nek nas kletu dojde još i više. Ak Bog da, ak bumo živi, vidimo se kletu ponovo pri ognu!

^{Foto galerija: Andrej Čubra, Zvonimir Šafar}