Navaja se nekoga na greh. Mi smo naš osnutek, teroga smo prošli put navijali na stan, ovaj put navajali čez ničenice i čez brdo. Je, kulko toga puno ima vu tom tkanju? A taj naš stan, teri su nam Higijenski zavod i Štampar donesli v Mraclin, je najmodernejši i najbržeši. Do 10 metri je žena mogla zetkati na dan. Ničenice i brdo vam ne bum opisival, dečki su to sve slikali. Slikali su i naše vredne tkalice tere su pažljivo i koncentrirano navajale, Svaka greška bi se videla na platnu. A i sami znate da naša vučitelica Barek ima šibu. 

Jesu li mirisi kotlovine pomogli, ne znam, ali do obeda bili smo gotovi. A i obed je bil najbolši do sad, naš je kuhar to priredil po svim pravilima struke. Jedino fotografi nemreju pokazati kak je bilo fino. Da bi se sad moglo tkati, vunu je trebalo nasukati na špule. Tu je počel novi život starog kolovrata. Zriktal sem ga, pokrpal, skelil i zglancal. Za nove sto let.

I tkanje je počelo. I tu se trebalo poigrati, sve poštelati. Pravu vunu zebrati. Nesmo baš prezadovoljni prvim rezultatima. Ne vidi se dosta vune, kak bi trebalo za lički fertun. Svaki početak je težak, tkalački posebno. Da malo prilagodimo onu bečarsku: Da je tkalac biti lako, tkalac bil bi svatko. A tkalcof nema puno, to znamo. Nemamo mi problema kaj nam tkanje ličkih fertunof ne pošlo najbolje prvi put. Konačno, mi nesmo Ličani, mi smo Turopolci. I znamo da nebumo odustali.

Do ponovnog tkanja,
Stjepan pl. Čunčić

Post Navajali smo i konačno tkali je prvi puta viđen na MRACLIN.HR.