Plemenita sučija Mraclin i KUD Dučec pozivaju da, kak i vsako leto, vužgemo Jurjevski kres vu spomen na viteza koji je mrskoga pozoja, tu grdu kaču, junačkim kopljem fpičil.

Ovo leto nam se tak potrefilo da bumo kres vužgali na sami Vuzmeni pondelek, 21. travnja. Počeli bumo v Šabariću, oko 6 vure, a prvi nam nastupaju naši dvakratni prvaki, najmlajši folkloraši i tamburaši Dučeca, med terimi bu se našel i “Jura zeleni”. Za drobnu dečicu bumo pripravili velike, velike balone, branil nas bu i čuval Turopolski banderij, došle budu i Dobre duše, seniorski tamburaši, vatrogasci… znači da bu veselo. Pogodbu gospodara i sluge na Jurjevskomu semnu budemo spelali kak i do sad (još ne planiramo Filipince i Nepalce prositi za pomoć), a onda bi oko 7 vure naši banderijalci vužgali kres. Uz paljenje ide i obvezno preskakanje kresa – mali ogen bu sa strane, točno pred žirijem, pa molimo sve zainteresirane skakače-ice da počnu s razgibavanjem. 

Obzirom da i ovo leto očekujemo goste z bližega i dalšega pozivamo sve članove naše plemenite sučije, sve članove Dučeca i druge preštimane mještane da slobodno donesu nekaj za prigristi – mraclinske prigrizke, kolače, kobase, slano, slatko… – kak nas gosti ne bi posle tračali da su morali piti na prazen želudec (vu tom smislu se ufamo i vu naše Jureke).
Dojdete, pozovete i prijatele, pak se na Vuzmeni pondelek si vidimo pri kresu!

Post Vuzmeni pondelek z Jurom zelenim je prvi puta viđen na MRACLIN.HR.