Bil je najvekši do sad. Bilo je i najviše jurjašof. Do sad. A i Dučec je pripravil možda najlepši program. Do sad. Imeli smo i posebnog gosta. Mali miš ispod velike hrpe granja je odjemput skužil da mu je preveč toplo, zišel je van u šetnju i gde baš? Med žensku publiku tera je kričanjem pokazala veliko oduševlenje.

Najbrojniji gosti ipak su bili komarci. Najvekša navala do sad. Čak nesu dali da bi baloni bili onak veliki kak inače. I rekli su „fajrunt“ makar je još ostalo i kolačof i pijače.

Ali sad najvažnije! Ostavili smo iza sebe najvekši nered. Ne mislim na naše gospođe kaj su služile jelo i kolače, niti na dečke za šankom. Očistili su sve kak treba. Da bi reč rekel. Nered je ostal tam gde se kuril kres. Naši vatrogasci, teri troše svoje slobodno vreme da bi mi bili sigurneši, bili su zgroženi. Čega tam sve ne bilo: železja, žice, penof i najviše kojekakvog gnoja. Od pilovine, lišča, trave i kojekakovoga smetja. “Pa kej smo mi došli tu vaš gnoj premetat?” – po praf su i rekli. Gdo je sve to dočaril? Mraclinci, a gdo drugi.

A sad je toga dosta. Moramo se drukčije ponašati. Šabarić more biti mesto za odlaganje granja od orezivanja naših voćnjaka i naših okućnica. I to samo u proljeće, prije kresa.Tu nema mesta za debela drva, za pilovinu, za lišče niti za travu. Niti za kartone ili za kojekakovu plastiku. Samo granje, i to samo prije kresa. Imamo reciklažno dvorišče čist blizu, tam imamo ljubazno osoblje tero pomogne če treba. A lišče, trava i pilovina ionak idu v kompostište, da bi postalo vredno gnojivo za naše rojžice i šalatu. Ovo sad bumo očistili. I tak nek ostane!

Do novog Jurjeva, Stjepan pl. Čunčić

Post Još dve-tri o Jurjevskom kresu je prvi puta viđen na MRACLIN.HR.