Supruga Vam je Čakovčanka – gdje ste je upoznali?

Kad sem došel v München, trebal sem najprije najti stan, ali to ni bilo tak leko, pa sem došel prek moje mame, tera je delala v jednom staračkom domu v kujne. Taj dom su vodile časne sestre. Mama se je njem potužila da nemre najti stan za mene, pa su me one prigrnule k sebi i dale mi stan, hranu i posel. Čak sem imal i plaču s terom sem si plačal jezičnu školu, tera ni bila jeftina, a i druge potrepštine. Kak je taj dom bil samo za ženske, tak su i radnice bile samo ženske, a med nemi i moja denešnja supruga. To je bila jedna mlada, fajn cura z Međimurja, tera mi je zapela za oko i tu smo se upoznali i z vremenom i zaljubili. Oženili smo se 1978. i kratko vreme posle vjenčanja sem ja otišel v vojsku u Bjelovar, a ona je ostala u Münchenu, kam sem se i ja posle vojske i vrnul. Ja sem opet dobil svoje mesto u baru v hotelu, a ona je delala kao njegovateljica staraca.

U Njemačkoj ste stvorili obitelj, danas ste u mirovini, čime se bavite i kako se danas živi u Njemačkoj?

Ja sad, otkad sem v penzije, puno putujem. Dok sem delal nisem imal puno vremena za putovanja, a imali smo i hižu v Mraclinu, tera nas je koštala puno vremena i obaveza. Sve dok mama, tera je bila sama v Mraclinu, ni mogla više biti sama v one velike hiže i odlučila se za starački dom. Mogla je ona biti i pri nami v Münchenu, ali navek je govorila: mene je bilo dosta 25 let v Nemačke i ja tam više nejdem. Onda smo odlučili prodati hižu, tak da od onda imamo više vremena za putovanja po svetu, teri je veliki i lepi.

Bili smo v Amerike, ja sem bil i v Kine i bilo nas je i po celoj Evropi, a meni je segde lepo, jer ja sem jen kosmopolit. Do prije par let sem redovito i rado išel na skijanje. Mi tu imamo u okrugu od vuru i pol najlepša skijališta. Od Kitzbuehla do Schladminga, a i tu bliže Münchena. Hodim ponegda i na utakmice sa FC Bayernom. Imamo blizu pet veliki jezer za plivanje, daskarenje i odmaranje. Naše bavarske brege, tere ja jako volim. Imamo našu prelijepu reku Izar, vuz teru se vozim z biciklinom, ili se idemo kupat.  I onda, naš dragi Oktoberfest. I imam svega peseka s terim idem saki dan dva put v šetnju.

Dosadno mi ne, imam svoju hižu, vrt i unuke… A kak se živi denes v Nemačke? Kak do!?! Jedni bole, a drugi gore. Nam je dobro. Mi smo se pravovremeno pobrigali da smo si osigurali i sredili stambeno pitanje, jer do mora od obične plače plačati stanarinu, tomu baš ne dobro. München je najskuplji grad v Nemačke. Bude i još skuplji, jer k nam dolaze sve više visoke tehnološke firme tere svoje radnike skupo plačaju, pa si oni moru taj skupi život tu priuštiti.

Jeste li razmišljali jednom se vratiti u Hrvatsku? Fali li Vam Mraclin i naši ljudi?

O povratku u Hrvatsku već dugo, dugo nesmo razmišlali. Mi smo kao deca od 15 let otišli iz te sredine van. Ja od 1970., a moja supruga od 1972. Znači, prije 55 i 53 let. Žena i ja imamo korene tu v Hrvatske, ali mi živimo sim i tu smo doma, a kad dojdemo v Hrvatsku, osečamo se kak stranci. Kak sem već i rekel, ja sem kosmopolit i meni nigdo ne fali i segde de se god nalazim, dosad, nigde se nis osečal, da nesem dobrodošel, jer ja sem svoj celi radni vek sprovel z ljudi z celog sveta, pa se znam tak i prilagoditi. A sim v Münchenu, ako želim to doživeti, odem v Hofbraeuhaus i tu se svračaju gosti z celog sveta s terim imaš odma kontakt, a posle jene do dve pive, znaš govoriti se jezike sveta. I zato se veli ,,Prije nek merneš, moraš biti bar jemput v Hofbraeuhausu”. Dok su roditelji bili živi, nekej nas je vezalo za dom, ali posle, odkad njih više nema, više nas i ne vleče tuliko v takozvani ,,domom”.

Znamo da ste vjeran čitatelj našeg portala. Biste li nešto poručili čitateljima i Vašim sumještanima?

Bi i to rado. Vučite vašu decu naš govor, mraclinski dijalekt, turopolski. Našu povijest, naše običaje, pjesme i plesove i čuvajte tu našu baštinu! Jer samo tak bute obstali. Vidite kaj se v svetu zbiva!?! Ja sem svoje dal kuliko sem god mogel. Bravo Dučec! Bravo DVD! Bravo Anđele! Bravo NK Mraclin!

A vi, uredniki ovoga portala, nastavite tak i dalje, ali možda još i više. Mislim da ima još takvih kak sem ja, teri bi vam svoje priče pripovedati znali! Mene, nažalost, sve menje Mraclincov pozna, jer kak čitam i čujem, sad je taj i taj mrl, i to sve više, i još mladi ljudi. Tužno. Kolko je još moji vršnjakov živo? Javete se! 

Lepe pozdrave svem vam doma od Dragana Kundića i njegove familije. Ostanite mi živi i zdravi!

Post Intervju s Dragcem Kundićem – III. dio je prvi puta viđen na MRACLIN.HR.