Kuhinjski je stol bil ispod obluka i to je moje bake Rože Čikove bil pogled u svet, analogni internet, mobitel, radio i televizija. A s druge strane obluka se odvijal život. Ljudi su se vozili po ceste, išli na cug, s cuga, kamioni su vozili cigle s ciglane, traktori i kola su se droncali po asfaltu. Nigdar ni bilo dosadno. Ne velim ja da je baka samo zrlila čez obluk, kuvala je ona i brinula o nama dece. Imala nas je šest nukov. Navek je negdu bil gladen, žeden, šmrkav i zamazan.

Da smo znali napraviti kumer – jesmo. Onda bi baka zela ručni usisavač od guskinog krila i omela z “metačom” – kak je ona zvala taj kuhinjski gadget – stol i pod i se redom. Skučila bi onda to krilo i odvrgla ga do druge prilike. Sad kad mislim o tomu, to mi je nekak u rangu s jelenskim rogima i prepariranom glavom divlje svinje. No, tak je onda bilo.Guske su bile isplative i iskoristive. Vajnkuš od guščjeg perja bome denes fajn košta. Guščja jetra je delicija i isto tak ni baš za saki džep.

Negda su guske išle na pašu i bilo je situaciji da su se zaletele i poletele. Celo jato. Ni to baš bila neka visina al kad su rastegnule vratove, ni nam bilo sejeno. Verujem da Mraclinu više nigdu ne drži guske.Zato je ovo mala oda svim mraclinskim ženicama koje su uzgajale guske, čehale perje i metačom čistile smetje ze stola, paučinu v čoškima i peč kad su se pekli mlinci. Sve su znale iskoristiti. Do zadnjeg perca.

Post Ometača je prvi puta viđen na MRACLIN.HR.