Nastavljamo razgovor sa Šteficom Galeković Buševčičinom, čija su sjećanja dragocjen zapis o životu u Mraclinu kakav danas postoji još samo u pričama najstarijih mještana. U drugom dijelu razgovora prisjetila se svog svekra Josipa Galekovića, teškog rada na gospodarstvu, tkanja rubaca, uzgoja stoke, berbi grožđa, kolinja te svakodnevice u kojoj se živjelo skromno, ali složno. Kroz njezine riječi oživljava vrijeme kada se radilo od jutra do mraka, ali se uvijek pronašlo vremena za zajedništvo, pjesmu i druženje.

Vaš svekar Josip Galeković ostavio je dubok trag u povijesti Mraclina kao seljački pisac, predsjednik mraclinskog kulturnog društva i društveno vrlo aktivan čovjek. Iako ga osobno niste upoznali, što znate o njemu?

Da, to je bil moj sveker – Josip Galeković Buševčičin, ali ja ga nis upoznala, znam o njemu samo ke sam čula od muža i svekrve.  Zakaj Buševčičin, jer je njegova baka došla zamuž z Buševca, i tak je ostal taj špicnamet do den denes. Josip je bil seljački pisac, išel je Zagreb v školu, bil je jako pameten čovek, govoril je esperanto jezik, i svekrva je čak esperanto govorila. I na esperantu su se oni navek i dopisivali dok je on bil vojske.

Moj Mladen je rekel da ga se ne seča, dolazil je Joža domom, ali je Mladen još bil mali pa su ga deli spat, tak da ga doma nikad ni videl. Josip je Mladena samo išel glet dok je spal, jer su se bojali da mali ne bu negde povedal da mu je otec bil doma. A Mladenova sestra Danica, ona ga je videla, ona je bila stareša, pa se nisu bojali da bu povedala da je tata bil.

Doktor Rasuhin i Hlopek – baka stara je znala reči da su oni mog svekra zatrovali s tim komunističkim idejami. Jer on je navek prije išel k meše, čak i napravil jen veliki misijski križ za cirkvu, skupa s vujcem Zrnčićem, znam da je bil tam Vukovine ispod koroša. Ali nikad ni svekrve, niti dece ni branil da bi išli k meše. 

Oni su svi 1944. otišli gore v Štefanke, jer su rekli da budu sve familije od partizanof klali, pa je baka rekla da moraju nekam otiti, pak su oni tam otišli, s 12 koli su vozili sve stvari i blago. Došli su tam jeseni, a deda je mrl na samoga Ivanuša, znači oko Božića su ga vubili. Po onom ke sem čula od svekrve, vubili su ga partizani jer se ni slagal s tim ke su v ratu delali. Od me svekrve otec je išel po njih, on je bil od Lacka i Vida Crničevoga otec, i sve kaj su tam imeli je na jedne kola dovezel, i njih i sve stvari. Oni su ostali bez svega, i kojne i sve blago su tam ostavili. Čak i seno kaj je ostalo tu Mraclinu v štale, to su ljudi isto zvozili. Skroz su ih zatrli, njega vubili, i vrnuli se domom na ništa.

Od Josipa mati je mrla 1954., ona je bila od Jose Franekovog sestra. Malo se je sečam, jer sam navek kroz tu vulicu išla k tece Ožinove, Blaža Ožinovog mama je bila me bake sestra.

Moj sveker je bil predsjednik Muškog pevačkog društva, lepo je popeval, tak vele. A i moj muž je dugo bil v Društvu, posle vojske je još časa bil, pa je onda prestal. On je bil s Vladom, pa s Mijačkom, Keksom, Macekom, s tim starijima, jer je on mlad počel iti v društvo.

Kako je izgledao svakodnevni život na gospodarstvu?

Teško mi je bilo delati na poljoprivrede još dok sem bila cura, a kad sem došla tu, tu se delalo još više. Nikad kraja. Ni bilo v noči vure, ni po danu dana, da nis bila v štale.

Nigdar nis nigde delala osim doma, na poljoprivrede, još i doma od malih nog, a pogotovo kad sem se udala. Tkala sam rupce, i na pole sem išla. Tkala sam sve dok nismo teliče imeli, onda više nis stigla. Mi smo tkale rupce, a onda su se posle nosili na štampanje, prvo v Zagreb negde v Miramarsku, a kešnije je štampariju otprl Pepa Katekin, pak smo tam nosile. Kad smo ih donesli ze štampanja, onda smo ih rezali, rubili, peglali, i bili su spremni za prodaju. Nosilo se na plac v Zagreb, ali su dolazile žene z Podravine, one su znale po 100 i više komadi kupiti, i onda su to tam tržile pri sebe. To su bili jedini penezi ke smo u ono vreme mogle zaraditi.

Tkalački stan vam je imel ničenice, brdo, cepce, spluške, čunke… Sama sem snovala i navijala, ako mi je neko vrtel onda mi se meglelo, u jedne sem ruke držala deščicu i tak sem snovala. To me nafčila mamica Crničova, Mladenova baka. Nisem znala snovati ni navijati dok nisem tu zamuž došla.

Posle smo imeli teliče, i svoju kukurizu s terom smo ih ranili, i to se moglo lepo zaraditi, od toga smo si i ovu hižu napravili, traktor kupili, sve priključke. Kad sem došla na ovaj grunt, tu je bila puna hiža blaga, četri kojna, tri krave kaj smo dojili, biki i teliči za tov ke se tržilo, svinje, od živadi kokoši, guske…

Negda smo imeli puno guski, jutro smo ih otirali iza Lazina, tam je bila velika jama, i celi dan su bile tam, a navečer su se same vrnule domom. E kak su se znale vrnuti, dok su bili mali žugeki smo išli ž njima, i pak ih vračali i tak su se nafčili. Največi problem je bil kad su se putem gusaki počerupali, onda su se žugeki znali pomešati i raziti. Znali smo tak iti po selu i iskati svoje žugeke, pitati jel imaš tere tuđe, tak je to bilo. I bili su obileženi, točno pametim naši su bili obileženi na leve pete i desnom skrajnom prstu. Tak sem znala iti po selu i iskati svoje, ili ak sem pak našla tuđe, onda smo ih vračali. Živim guskama smo čupali perje, curami za vanjkuše i tuhice. Onda se po tjeden dan nisu štele domom vračati, bilo ih je treba mrstiti s kukurizom.

Što se najčešće jelo u vašoj kući?

Jelo se kaj se imelo. Jutro obavezno žganci, s zeljom kiselim, kad se svinjče zaklalo, znalo ocurkof gore biti. Uz to šalica mleka ili kave. Popoldan kaj je bilo – kramper, bažul, zelje. Kuhila su bila kakva su i denes.  Baka moja navek je znala neke speči slatkoga kad smo došli s pola da smo imeli – napujnence, zlevanku ili tak neke.  Meso se čuvalo za velike posle  – kad se pe spravljat, kad se pe trsju; za svetke i tak.

Kako su izgledale berbe grožđa?

Znala sem po jen tjeden iti brat. Svojima sem brala, onda Crničima, oni su na Žitkovčice imeli. To se išlo več u 4 jutro. Kad smo se vozili prema Kravarske, čez Žitkovčicu, tam je bilo puno sliv, i na sakim putnim vratima su čekali s rakijom i čašom od deci, to su nudili beračima.

Moj se tak napil jedno leto da je mene pod nogami zaspal. I de ti sad zamisli ja na Žitkovčice, sad do Mraclina sama kojne goniti. Jo sem se njega tak natukla do doma s bičalom po pleče. Trebalo to zavirati, bregi, pa bunjski breg.

I naše se bralo 2 dana, mi smo imeli u Barbaričima.

Kako su nekada izgledala kolinja i drugi zajednički poslovi u selu?

Joj, kad se samo setim. To sve smo v kujne temfali, a imeli smo i letnu kujnu, sukašnicu ke velimo. To su se krvavice delale, više gudle bilo na podu neg v čreve. Dva se dana cvrlo. Nekad ni bilo škrinji, pa se meso solilo i sušilo, a krvavice su se po zime saki den jele, dok se nisu pojele. To kolinje trajalo po tjeden dan, delalo se, ali smo se i družili.

A kad se zelje ribalo. Mo teta Dana i vujček Vid su donesli sve zelje, i u veliki čeber i to se za sve nas ribalo.  To je bila svadba tu večer. Navek kad se neke delalo, moralo biti proščenje, ali i lepo je to bilo. 

^{Fotografije su privatno vlasništvo obitelji.}

Nastavlja se…

Post Životna priča Štefice Galeković – Mraclin kakvog više nema (II. dio) je prvi puta viđen na MRACLIN.HR.