Prijava

Vaša prijava

  • Rubrika
  • Lovec v kôlne vode

Napojêno blôgo

Napojêno blôgo

Negda, dok sê blôgo vračalo s pašê, išlo jê na kopajnu de jê pilo vodu. Još sê séčam kak su tê kopajnê bile z betǒna i onak su bilê nacifranê z vôjnskê strônê. Kopajna jê bila pri zdêncu, a  blôgo sê oko njê znalo narivovati i skokati. Tak sê znalo dogoditi da jê neko živinčê rit okrenulo kopôjnu i baš mu jê v taj čas došla sila pôk sê posralo rôvno nutre. Drugo blôgo jê na drugom kraju kopajnê i dalê pilo. Jedino su kojni bili gizdavi. Oni nésu pili bilo s čêga. Za njê jê gazda imal poseben čisti, emajlirani amper z kojega su sam oni pili.

I sad si vi mislitê zôkaj sad on pišê o tém kak sê živinčê posralo u kopajnu? Zôkaj sê baš toga setil?

Neki dôn sem videl sôjnkalištê na Cmroku. Ficlek snega, zmazanoga, nagužvani ludi. Stiščeju sê ko da jê réd za gablec na konferenciji anti-koronôšov. Negdo jê rêkel kak su to Bandićevi glasôči na pojilištu. I čém sem videl taj zmazani snég, i čul pojilištê, mêne jê čez glôvu prelêtela ta stôra slika kravskoga drêka v kopajne. Bandićevo blôgo pijê kaj mu gazda dô, ne pita kaj se još morti skrilo i zamutilo v kopajne.

"Zôkaj bi jô svojêmu detêtu vskrôtil sôjnkanje sam zôto kaj ti ne voliš Bandića", rêkel jê jên, kakti gospon.

Drugi jê pôk rêkel kak bi pod tu sliku trebalo napisati "Bandić jê kral, ali i nômi jê dal."

Sôjnkalištê na zadrêčenom snégu.

Pak če ih to veseli nêk okrêneju još jên krug.


De sê morê nôjti kajkavski réčnik?

Klinčec stoji pod oblukom